Познатата авиокомпанија „Ryanair“ го прозва најдобриот тенисер на светот, Новак Ѓоковиќ, на социјалните мрежи.
Ексклузивното интервју на Ѓоковиќ за „BBC“ е тема број еден во светските медиуми, а во текот на истото, српскиот ас откри дека не е антиваксер, но нема намера да се вакцинира против коронавирус.
Тој истакна дека попрво би пропуштил прилика да освојува трофеи отколку да биде присилен да прими вакцина.
I am grateful for the opportunity to answer questions from @amolrajan and set the record straight. Watch the full interview today at 8.30pm GMT on @BBC1 in the UK and BBC World.https://t.co/QkFH1p8GWJ
— Novak Djokovic (@DjokerNole) February 15, 2022
Очекувано, неговите изјави предизвикаа бројни реакции на социјалните мрежи, а многумина искористија прилика да го прозват.
Она што е интересно е што и ирската авиокомпанија го „пецна“ српскиот тенисер.
„Ние не сме авиокомпанија, но летаме авиони“, објавија од компанијата на официјалниот Твитер профил, алудирајќи на изјавата на Новак дека не е антиваксер, но не сака да се вакцинира.
We're not an airline but we do fly planes #Djokovic pic.twitter.com/wivO3L2dTp
— Ryanair (@Ryanair) February 15, 2022