(Видео) Млад пар освоил 182 милиони фунти, а потоа следел шок: „Ги извлековме вашите броеви, но...“

На сметката на Рејчел имале отворен налог за автоматско плаќање на тикет за лото секоја недела, но бидејќи немала доволно пари на сметката од претходната недела, уплатата не била извршена.

Сепак, апликацијата ѝ покажала дека нејзините вообичаени бројки се добитни и таа се надевала дека ќе станат милионери.

„На апликацијата пишуваше 'добитна комбинација' и мислев дека го добивме џекпотот. Ги викнав Лиам и мајка ми во собата и тие исто така не можеа да поверуваат. Решивме веднаш да им се јавиме. Го свртев бројот мислејќи дека освоив 182 милиони фунти. Ми рекоа дека ги имам точните броеви, но дека немам доволно пари на сметката, така што мојот траен налог за плаќање тикет за лото не можел да се изврши. Во еден момент бев на врвот на светот, а кога дознавме што се случи, Лиам беше повеќе вознемирен од мене“, рекла Рејчел.

Лиам веќе почнал да планира што ќе прави со парите, кога ја дознале непријатната вест.

„Таа беше прилично опуштена, но јас во глава веќе ги потрошив сите пари. Сосема ме скрши кога човекот преку телефон рече дека уплатата не поминала. Веќе замислив наша куќа и автомобил од соништата, искрено, малку ме понесе“, признал Лиам.

Рејчел сега мисли дека бројките кои досега ги играле се несреќни и одлучиле да изберат други за следното извлекување.

„Ги игравме истите броеви пет недели по ред, но всушност имаме две комбинации на броеви кои ги играме. Една комбинација се нашите семејни родендени, а другата се случајно избрани броеви и токму таа комбинација беше добитна. Тие броеви повеќе нема да ги користиме. Никогаш ништо не сум освоила и баш немам среќа кога се работи за вакви работи“, заклучила Рејчел.

'Нивниот' Џекпот го освоил добитник од Швајцарија.