Излезе новиот албум на Тејлор Свифт насловен „The Tortured Poets Department“. Песните се појавија на стриминг сервисите точно на полноќ по американско време, или пред неколку часа по средноевропско време.
Албумот содржи 16 песни (и уште четири бонус песни, по една на четири ексклузивни изданија на винил), вклучувајќи ги и соработките со Пост Малоун и „Florence and the Machine“. Арон Деснер од „The National“ и нејзиниот долгогодишен соработник Џек Антоноф исто така работеа со Тејлор на песните.
Иако песните беа објавени пред само неколку часа, некои веќе собраа над 100.000 прегледи. Најпопуларната песна во моментов се чини дека е „The Tortured Poets Department“, која веќе собра 250.000 прегледи на „YouTube“. Нормално, на социјалните мрежи настана хаос. Твитер веќе е полн со реакции.
Me right now#TaylorSwift #THETORTUEDPOETSDEPARTMENT pic.twitter.com/iLWEKpVpPX
— Phoenix (zoyalai's version) (@zoyathephoenix) April 19, 2024
The Tortured Poets Department is a fucking MASTERPIECE 😭 And "I can Do It with a Broken Heart" is a BANGER!!!
— Lucas (@_ultraviolento_) April 19, 2024
the tortured poets department album was better than i could have ever hoped for
— daisy (@emaneater) April 19, 2024
„Ова веројатно ќе биде мојот најдобар ден во годината. Ти благодарам Тејлор“, „Веќе го сакам овој албум, многу е подобар од Midnights“, „Ова е ремек дело“, „Овој албум излезе подобар отколку што се надевав “, „Хејтерите немаат вкус, овој албум е одличен“, се дел од коментарите на социјалната мрежа.
Тејлор Свифт го најави овој албум на овогодинешното доделување на Греми во февруари.
Се очекува албумот да биде продаден во 2 милиони примероци во рок од една недела од објавувањето, што би можело да значи дека овој албум ќе биде еден од најуспешните на сите времиња.
Тејлор подготви уште едно изненадување за своите фанови - објави уште 15 песни.
"Тоа е изненадување. „The Tortured Poets Department“ е двоен албум. Напишав толку многу поезија во последните две години и сакав да ја споделам со вас, па еве го второто дете. И сега приказната веќе не е моја - ваша е“, напиша пејачката на Инстаграм.