Иако многумина беа фасцинирани од роботите, се покажа дека тие се под „далечинска контрола“ од луѓе. Посетителите на настанот забележале дека роботите користеле различни гласови и дека нивните одговори биле пребрзи и координирани, што укажува на човечка интервенција.

Еден од присутните, Роберт Скобл, на социјалните мрежи изјави дека инженерите потврдиле дека роботите користеле само вештачка интелигенција за одење, додека луѓето од далечина ги контролирале повеќето од нивните активности.

Оваа информација во својот извештај ја потврди и аналитичарот на Морган Стенли, Адам Џонас, наведувајќи дека роботите зависат од „теле-опции“, односно од човечка интервенција. Исто така, еден од роботите на шега му признал на еден посетител дека „денес е контролиран од човек“, со што јасно ставил до знаење дека не е целосно автономен.

Нереално очекување од "Tesla"

Овој настан, иако спектакуларен, не даде вистински увид колку "Tesla" напредувала во развојот на хуманоидни роботи. Илон Маск претходно го најави роботот "Optimus" на сличен начин – користејќи лице во костим на робот на сцената, па присутните не беа изненадени што роботите на настанот не беа целосно автономни. Иако никој не изгледаше разочарано или измамено, настанот не беше можност да се види вистински напредок во развојот на роботиката на "Tesla".

Tesla продолжува да инвестира во хуманоидни роботи, но за оние кои очекуваат целосно функционални, автономни машини, настанот "Cybercab" не ги даде тие резултати.