Алан Ширер како најдобар голгетер во историјата на Премиер лигата посебно внимание и анализа посветува на напаѓачите во англиската елита, кои според него се бројот на прсти кога е во прашање статусот „светска класа“.
Легендарниот англиски центарфор веќе некое време не штеди комплименти за Алекандер Исак од Њукасл, па откако Швеѓанецот постигна нови два гола во победата над Саумтемптон, Ширер му додели и епитет кој нависитна тешко се стекнува во јавноста.
Алан смета дека Исак со својата константност се прокламирал како напаѓач од светска класа, што според него е само третиот со такви квалитети во Премиер лигата.
– Јас сметам дека има само тројца напаѓачи од светска класа во Премиер лигата во овој момент.
– Јасно е дека Ерлинг Халанд е едниот, Мо Салах е вториот, но сега го добивме и третиот. Исак е третиот напаѓач од светска класа, мислам дека веќе можеме да го вброиме во таа категорија после се што направи за Њукасл, – вели Ширер.
