Еден од најдобрите кикбоксери на сите времиња, Бадр Хари долго време не влезе во рингот, а последен пат се натпреваруваше во ноември 2023 година, така што неговата кариера најверојатно е завршена. Меѓутоа она што ги изненади обожавателите е неговиот нов изглед.
Имено, Хари на Инстаграм објави фотографија на која може да се забележи дека значително ослабел.
Хари, кој се бореше во тешка категорија и често тежеше 120 килограми, на фотографијата позира во кафеава маица со кратки ракави и широки панталони, а изгледа речиси непрепознатливо во однос на периодот кога се сметаше за еден од најопасните борци во светот.
Неговите обожаватели брзо ја забележаа разликата во изгледот на Мароканецот во споредба со она како изгледал пред една година, па така тој стана една од главните теми во боречките кругови.
Хари во минатото неколку пати го објави крајот на неговата кариера, но повторно им се враќаше на борбите. Неговата последна борба се одигра во ноември 2023 година, кога беше нокаутиран од Финецот Уку Јурјендал.
Мароканецот во својата кикбокс кариера одигра 123 борби, победи 106 пати, а 92 борби доби со нокаут, и впиша 17 порази.
