Реал Мадрид во последното коло од групната фаза на Лигата на шампионите се соочува со Брест, меч кој мора да го добие ако сака да биде во позиција за место во Топ 8, односно со тоа ќе си ја заврши својата задачата и потоа ќе види дали останатите резултати ќе бидат во негова полза за реалиазција на ова сценарио.
„Кралевите“ се подготвени да одговорат на предизвикот, меѓутоа освен за натпреварот тренерот Карло Анчелоти доби и прашања на други теми, а една од нив е иднината на Винисиус Жуниор.
Во изминатиов период доста се говори за тоа, за луда понуда од Саудиска Арабија која би го привлекла Бразилецот, но стратегот е убеден дека офанзиевцот без разлика на се ќе остане во Мадрид.
-Се разбирам, во фудбалот се разбирам. Го разбрав и Крос кој се откажа од фудбалот, како ретко кој друг. Овие одлуки се индивидуални. Но, го гледам среќен, сака да остане тука и сака да освојува трофеи со Реал. Мислам дека ќе избере слава, -порача дон Карло.
