Познат патот до големото финале: Реал и Барса се избегнаа во завршната ждрепка во Копа дел Реј

Останатите четири екипи ветуваа крајно возбудливи натпревари во полуфиналето, но на крајот ждрепката посака најдобро да мине Реал Мадрид.

„Кралевите“ ги избегнаа и Барселона и Атлетико Мадрид во полуфиналната фаза, а за да биде уште подобро за нив, ќе бидат домаќините на реваншот против Реал Сосиедад кој ќе се игра на „Сантијаго Бернабеу“.

Реал мина убедливо најдобро на попладневното извлекување, на кое стана јасно дека второто полуфинале е она меѓу Барселона и Атлетико Мадрид.

Каталонците први ќе го пречекаат тимот на Диего Симеоне, додека реваншот се игра на „Метрополитано“ во шпанската престолнина.

Првите натпревари ќе се одиграат на крајот на февруари, а реваншите на стартот на месец март.