"BYD" повторно ги поместува границите

Како што веќе навикнавме, "BYD" повторно излегува од границите на секторот за електрични возила. Овој пат, компанијата го претставува револуционерниот хуманоиден робот кој не само што е технолошки напреден, туку е и значително поевтин од конкурентските модели.

"BoYoboD" може да извршува комплексни домашни задачи, како што се:

• Перење и сортирање алишта

• Чистење со правосмукалка

• Чистење лисја

• Чистење на када и тоалет

Ова е огромен напредок, особено ако се земе предвид дека "Tesla Optimus" сè уште е во развој и треба да се произведува во милион примероци годишно, со проценета цена од 30.000 долари.

Од друга страна, "BYD" ќе започне со испорака на "BoYoboD" во декември 2025 година, а почетната цена ќе изнесува само 73.000 јуани (околу 10.000 долари). Ова го прави роботот достапен за средната и високата средна класа, особено ако се земе предвид колку задачи може да заврши.

Соларно полнење – чекор напред кон одржливост

Една од најиновативните карактеристики на "BoYoboD" е интегрираниот соларен систем за полнење.

Кога нивото на батеријата падне под одредена граница, која корисникот сам ја одредува, "BoYoboD" автоматски се поврзува со пренослив соларен панел со интегрирана батерија и се полни на еколошки начин.

Оваа технологија му дава огромна предност пред конкуренцијата и совршено се вклопува во одржливата визија на "BYD".

Дополнително, роботот може и да го поврзе вашиот електричен автомобил на полнач, иако во моментов не може самостојно да вози.

Може ли "BoYoboD" да готви?

"BYD" не даде прецизен одговор на ова прашање. Сепак, со оглед на сложеноста на подготовката на храна и неможноста роботот да ја „проба“ храната, веројатно ќе биде ограничен на едноставни јадења со однапред дефинирани инструкции.

Цена и достапност

За сега, "BoYoboD" ќе биде достапен само на кинескиот пазар.

- Цена по преднарачка: 70.000 јуани

- Редовна цена: 73.000 јуани (околу 10.000 долари)

На меѓународно ниво, цената би можела да порасне:

- Во Европа би можела да изнесува 15.000 долари

- Во САД – дури 20.000 долари

Конкуренцијата е загрозена?

Објавата за "BoYoboD" доаѓа во време кога се очекуваат нови играчи на пазарот на хуманоидни роботи, па изгледа дека "BYD" намерно „краде внимание“ од конкурентите.

Иако останува да се види како ќе се покаже "BoYoboD" во пракса, едно е сигурно – "BYD" е решен да го диктира темпото, без разлика дали станува збор за автомобили, батерии или домашни роботи.