Марија Ковалчук, која давала одредени услуги во Дубаи, била пронајдена со скршени раце, нозе и ’рбет. Кој може да биде толку брутален? Полицијата засега инсистира на верзијата дека се работи за обид за самоубиство, но малкумина веруваат во тоа. Многу погласни се шпекулациите за мрачните забави за богаташите, каде девојките доживуваат не само силување, туку и тешка тортура. Исто така, трговијата со луѓе и присилната проституција не се непознати теми во овој раздвижен град.

„На такви забави на девојките може да им се кршат забите, да им се избричат главите на нула – и тоа е само дел од тортурата.“

Мрачната страна на Дубаи: трговија со луѓе

Вистинската ноќна мора се случува надвор од блескавите кули и луксузните хотели. Според активистите за човекови права, Дубаи е една од жешките точки за трговија со луѓе, особено кога станува збор за девојки од Африка.

Едно име постојано се повторува во овие кругови – Кристи Голд. Во родната земја долго време е на листата на барани лица, но безгрижно се движи низ Емиратите и води бизнис со накит. Меѓутоа, во Нигерија се убедени дека тоа е само параван и дека нејзиниот вистински „бизнис“ е продавање девојки во сексуално ропство.

Нејзиното вистинско име е Кристијана Џејкоб Вадиале, а според полицијата, таа предводела организирана криминална група која намамувала млади африкански жени во Дубаи, за подоцна да ги принуди на проституција.

„Нè одведоа во отворен бордел во пустината меѓу Дубаи и Абу Даби. Девојките ги соблекоа алиштата и ги оставија на песокот, а потоа доаѓаа мажите. Се работеше од 5 попладне до 11 навечер, без ограничување на бројот на клиенти“, рекла една од преживеаните жени.

Мачење како казна

За девојките кои не носеле доволно пари казната била страшна. Тие биле затворени во соба за мачење, изгладнувани и брутално претепувани.

„Ме тепаа додека не изгубив свест. Болката беше неподнослива“, зборувала една од жртвите.

Посебно ужасен метод на мачење беше пастата од чили пиперка, која се нанесуваше на очите и гениталиите.

„Секогаш кога не носевме доволно пари, нè тепаа, ни ги триеја очите и интимните делови со лута пиперка. Многу девојки имаа сериозни рани, но не ги носеа во болници, бидејќи не сакаа никој да дознае што ни прават“, Ројтерс ја пренесува изјавата на една од жените.

Лекарите потврдиле присуство на хемиски изгореници на телата на жртвите, но Кристијана Вадиале негира сè.

„Не се занимавам со трговија со луѓе и немам никакви девојки во Дубаи кои работат кај мене како проститутки“, тврди таа.

Нејзината верзија на приказната е поинаква: таа наводно само им помагала на своите сонародници да најдат сместување во нејзиниот стан, додека нивниот начин на заработка не ја засега.

Злоупотреба на долг и страв

Според податоците на Меѓународниот конзорциум на истражувачки новинари, речиси сите жени кои преживеале тортура изјавиле дека биле во ропство поради долгови и заплашувања.

Сите беа од сиромашни села во Африка, каде што дури и 100 долари се огромна сума. Голд ги искористила финансиските проблеми на жените за да ги воведе во долг синџир на долгови. Прво би им помогнала да добијат виза и домување, а потоа би барала отплата од 10.000 до 15.000 долари. Ако некој се побуни, следувале тепање, гладување и закани.

Во игра бил и психолошки притисок: девојките верувале дека Кристијана може да фрли клетва врз нив, бидејќи користела традиционални африкански верувања за дополнително да ги заплаши.

Во овој пекол долговите никогаш не можеле да се отплата, а девојките останале заробени.

Генералната директорка на Националната агенција за борба против трговијата со луѓе на Нигерија, Фатима Вазири-Ази, изјавила дека локалните активисти постојано барале помош од властите на Емиратите, но никогаш не добиле одговор.