[ВИДЕО] Меморија сместена во стаклена плочка, ова е иднината за чување на податоците? Изум посигурен од USB, кој може да издржи екстремна топлина и студ

„Cerabyte“, германски стартап кој развива технологии за складирање податоци, неодамна спроведе експеримент кој повеќе личеше на кулинарска отколку на технолошка демонстрација. За да ги докаже тврдењата за издржливост на своето иновативно решение, компанијата потопи стаклена чинија во врела солена вода, а потоа ја стави во печка за пица.

Иако чипот бил изложен на температури од 100 степени во бокалот или 250 степени Целзиусови во рерната, го завршил тестот неоштетен, со податоците напишани на него недопрени. На овој начин, „Cerabyte“ сакаше да го докаже своето тврдење - дека новото решение за складирање податоци може да издржи услови што би ги уништиле класичните уреди.

„Cerabyte“ е основан во 2022 година со цел на долг рок да го промени начинот на кој ги складираме дигиталните податоци. Иновативното решение на компанијата користи ултратенок слој од керамика, со дебелина од само 50 до 100 атоми, кој се нанесува на стаклена подлога.

Со помош на ласер, податоците се запишуваат во керамичкиот слој во форма на ситни дупки. Секоја плочка, со површина од 9 см², може да складира до 1 GB податоци по страна, а брзината на запишување е 2 милиони бита по ласерски импулс. „Cerabyte“ тврди дека резултатот е медиум кој е издржлив како хиероглифите на камен, со проектиран животен век од над 5.000 години.

Стаклото е познато како многу издржлив материјал. Неговата отпорност на стареење, оган, вода, зрачење, па дури и електромагнетни импулси го прави идеално за „ладно складирање“ на податоци.

За разлика од другите методи за долгорочно складирање на податоци, како што се магнетна лента, хард дискови или оптички дискови, кои се деградираат со текот на времето - пристапот на „Cerabyte“ со керамика на стакло ветува дека ќе ја елиминира потребата од редовна миграција на податоци.