[ВИДЕО] Прославениот НБА шампион изгубил облог: Во бањарка и бос пешачел 30 километри

Селтикси неочекувано го загубија вториот натпревар пред домашната публика во пресметката со Никси во полуфиналето од плејофот на Конференциската лига и сега се во многу тешка позиција бидејќи серијата се сели во Њујорк.

Утрото по натпреварот, Пирс објавил видео на Инстаграм во кое се снимил како шета по улицата бос и во бањарка, а откако изгубил облог односно откако загубил неговиот тим.

Имено, Пирс рекол дека ќе оди пеш до работа оддалечена од неговиот дом речиси 30 километри, и тоа бос и во бањарка. Исто така тој објави и фотографија како доказ дека пешачел 20 милји, или нешто повеќе од 30 километри, и тоа осум часа.

Инаку четириесет и седумгодишниот Пирс работи како коментатор на телевизијата „Fox Sports“, а кариерата ја заврши пред осум години во дресот на Лос Анџелес Клиперс.

Тој играше за Бостон од 1998 до 2013 година, а во 2008 година беше шампион со Селтикси и МВП на финалето. Исто така тој 10 пати учествувал во Ол-стар натпреварите, а Бостон го повлече дресот со број 34 којшто тој го носел.

Инаку, синоќа Никси ги победија Селтикси со 91:90 по голема драма, а Карл Ентони Таунс ги предводеше до победата со неверојатната игра со 21 поен и 17 скока.

Следниот натпревар ќе се игра во Њујорк во сабота во 21:30 часот по средноевропско време.