Српскиот репрезентативец Лука Јовиќ нема повеќе да го гледаме во дресот на италијанскиот великан Милан.
Тој беше дел од „црвено-црните“ во претходниве две сезони и имаше опција да остане во оваа средина и до 2026 година, меѓутоа Милан одлучил да не ја активира клаузулата за негово останување до наредното лето.
Ова е информацијата која ја сподели „Газета“, информација во која се вели дека клубот можел до 20 јуни да го продолжи престојот на Србинот во Милано, но тоа не е направено и напаѓачот како слободен играч ќе ја избере новата средина.
Во натпреварувачката 2024/2025 одигра 17 мечеви во сите конкуренции и постигна 4 гола од кои два беа во полуфиналето на Купот против Интер.
Според „Газета“, Лука може да ја напушти Европа затоа што за него најзагреани се Круз Азул од Мексико и Ботафого од Бразил.
