Новинарот Оли Кју ја имаше честа да го тестира прототипот на "Nevera R", опишувајќи го како: „стандардниот "grand touring" етос на "Nevera" трансформиран во нешто слично на "Ferrari Speciale" или "Porsche GT3 RS" – хиперавтомобил кој им пркоси на законите на физиката и пазарната логика“.

„Најцврст автомобил што сум го возел“

Кју бил особено импресиониран од цврстината на возилото:

„Ова е најцврстиот автомобил што сум го возел. Иако е направен од карбонски влакна, се чувствува како да е издлабен од камен. Неговата торзиона крутост изнесува неверојатни 70.000 Nm по степен, што е на ниво на тркачки болиди.“

Ова му овозможува неверојатно софистициран систем на амортизација и суспензија, со возачки квалитет сличен на "McLaren" – цврстина комбинирана со исклучителна податност.

„Резултатот е прекрасен – возењето е цврсто, но рафинирано. Ова е чувство што би сакал да го нудат сите брзи автомобили, но ретко кој успева во тоа како "Nevera".“

Инженерска извонредност, не само брзина

"Nevera R" не е дизајнирана само за експлозивна брзина во права линија – голем дел од инженерскиот напор е вложен во прецизна управливост и шасија.

„Автомобилот не е засенет од својата брутална моќ. Управувањето е прецизно и остро уште при најмалото придвижување на воланот. Ова е лекција по инженерска извонредност.“

„Ова е технолошка пресвртница“

Со вакви перформанси, логично се поставува прашањето – за кого е овој автомобил?

Оли објаснува:

„Купувачите на "Nevera R" не избираат само еден хиперавтомобил – тие веќе имаат десетици суперспортски автомобили, јахти, приватни авиони, можеби и свој вселенски програм. Тие бараат нешто ново – искуство што не постои во ниедно друго возило.“

"Nevera R" не е само фасцинантна по перформансите, туку и по доследноста и технолошкиот напредок на компанијата. Потекнува од фирма основана во 2009 година од 21-годишниот Мате Римац, која денес е светски лидер во развојот и производството на батериски системи за најголемите автомобилски брендови во светот.

„Без оглед на вашето мислење за електричните возила или хиперавтомобилите – ова е технолошка пресвртница.“