Имено додека губела во првиот сет, тенисерката се вознемирила, почнала да ги брише солзите и да гестикулира кон публиката.

Поради оваа ситуација, натпреварот бил накратко прекинат, а многумина помислиле дека Каролина ја совладале емоциите бидејќи во тој момент губела. Сепак, таа се извинила за доцнењето во играта, го избришала лицето со пешкир и се вратила во натпреварот, кој на крајот го доби.

Го видела своето поранешно момче на натпреварот

Неколку дена подоцна, на 30 август, Каролина откри зошто се расплакала на теренот. Таа рече дека причината не била нејзината игра, туку појавувањето на нејзиното поранешно момче „таму каде што не требал да биде“.

„Не беше поврзано со тенис. Не сакам многу да зборувам за тоа. Но, моето поранешно момче седеше спроти мојата клупа. Понекогаш се појавува на места каде што не треба да биде. Тоа малку ме исплаши. Му реков да си оди, но не си замина веднаш. Си замина дури подоцна. Ми беше тешко да се концентрирам во тој момент“, објасни таа на прес-конференција.

Инаку играчите можат да побараат одредени лица да бидат ставени на црна листа за да не можат да присуствуваат на нивните натпревари, но Мухова не го направила тоа.