И покрај хаотичната ситуација, нејзината професионалност и смиреност ги воодушевија гледачите, додека однесувањето на навивачите беше остро осудено.

Хаос во текот на јавувањето во живо

Оливија Клири, репортерка за „KEZI“ подружница на „ABC“, известувала за натпреварот помеѓу Универзитетот Орегон Стејт и Универзитетот Лафајет. За време на нејзиното јавување во живо, група навивачи почнале да ѝ пречат. Еден од нив го туркал лицето во камерата, друг постојано извикувал „6-7!“, додека трет симулирал повик за помош, создавајќи целосно непримерна и вознемирувачка атмосфера.

Професионалност на највисоко ниво

И покрај таквото однесување на навивачите, Клири останала потполно смирена и продолжила со своето известување како ништо да не се случува, демонстрирајќи исклучителна професионалност. Нејзината способност да остане фокусирана среде таквиот хаос брзо привлече внимание на интернет.

Откако снимката стана вирална, и самата се огласи на социјалните мрежи:

„Телевизијата во живо е непредвидлива – понекогаш едноставно мораш да се справиш со тоа!“, напиша таа.

Поделени реакции на јавноста

Многумина на социјалните мрежи ја пофалија за нејзината смиреност: „Одработи како вистински професионалец“, „Начинот на кој само продолжи – тоа е навистина импресивно“, се дел од коментарите за поддршка.

Меѓутоа, дел од коментарите беа насочени кон осуда на однесувањето на навивачите, кое многумина го опишаа како „непримерно“ и „одвратно“.

Некои корисници дури се запрашаа дали навивачите би се однесувале исто доколку на нејзино место бил машки новинар:

„Дали сум луда што мислам дека ова немаше да го прават ако беше маж?“, прашала една корисничка.