Дали ова е најдобрата функција која Јутјуб некогаш ја претставил? Пристигна „Super Resolution“ која ќе промени сè

Станува збор за AI алатка за подобрување на резолуцијата која може да изостри било кое видео на платформата — вклучувајќи ги и оние постари снимки, првично објавени во многу низок квалитет.

Новата функција е достапна за сите корисници и на сите уреди. Сепак, Јутјуб особено ја нагласува нејзината примена кај оние кои ја користат платформата на телевизори, каде што разликата во квалитетот е најзабележлива.

Корисниците во менито за избор на квалитет на видеото можат јасно да видат дали видеото се прикажува во подобрената, „Super Resolution“ верзија, а доколку тоа не го сакаат — секогаш можат да ја изберат оригиналната верзија без интервенција на вештачката интелигенција.

Во моментов, функцијата постепено се активира за видеа со резолуција помала од 1080p, но Јутјуб планира во блиска иднина да овозможи подобрување и до 4K резолуција.