Со над 300 ски-патеки и некои од најголемите и најмодерни ски-региони на светот, Франција е една од водечките дестинации за зимски туризам.

Разновидните патеки, безбедните снежни услови, современи ски-лифт системи и богатата понуда за сместување ги прават идеален избор за семејни патувања, но и за авантуристите.

Сместено во француските Алпи, во долината Мауриена, скијалиштето Ла Норма претставува одлична дестинација за љубителите на зимата кои бараат комбинации во пристапните патеки, автентична планинска атмосфера и семеен комфор.

Без метеж на гондолите и на патеките, овој ски-центар нуди вистинска зимска оаза – мир, свеж планински воздух и погледи кои оставаат без здив.

Една од предностите на Ла Норма се поволните цени. Можно е да најдете аранжмани кои вклучуваат сместување и ски-пас за околу 400 евра, додека пак цените на храната и пијалаците се пониски во споредба со многу од другите модерни ски-центри, па дури и во однос на Копаоник.

Цените на пијалаците во Ла Норма

- Домашен сируп + сода: 4 евра;
- Сируп со вода: 2,5 евра;
- Кока-кола: 4 евра;
- Фанта: 4 евра;
- Ладен чај: 4 евра;
- Швепс: 4 евра;
- Овошни сокови: 4 евра;
- Лимонада: 4 евра;
- Вода, газирана и негазирана: 4,5 евра;
- Дополнителен сируп или парче лимон се наплаќа 0,5 евра.

Ред Бул чини 5 евра, еспресо 2 евра, дупло еспресо 3,5 евра, макијато 2,5 евра, продолжено еспресо 2,5 евра, додека пак капучино и топло чоколадо по 4 евра. Ирско кафе чини 9 евра.

Греено вино на патеките е 5 евра, чај 3,5 евра. Бело вино во чаша 4 евра.

Храна на патеките

Понудата на храна е разновидна, но главно се сведува на брзи оброци. Помфрит чини 5 евра, а пилешки медалјони 5,50 евра. Голем тост е околу 7 евра, додека пак сендвич со пилешко и свежа салата чини 7,9 евра. Свинско месо, ќебапи, козјо сирење со зеленчук, пилешко во кари, колбаси, главно се со слични цени.

Баровите на патеките нудат и комплетен оброк по цена од 13,50 евра до 14,40 евра којшто вообичаено вклучува сендвич, помфрит и пијалак во лименка.

Слатки и ужина

Вафли со додаток (шеќер, нутела, џем, мед, лешник), чинат од 4,50 до 5 евра, додека пак панини со нутела е околу 5 евра.