Путин го прашал Андреј Мелниченко која е неговата сопруга: Кога го слушнал одговорот, следела реакција поради која милијардерот засекогаш ќе биде горд на својот емотивен избор

Во тој разговор ја спомнал и својата сопруга Сандра.

Во опширно интервју за британскиот магазин „The Economist“, Андреј Мелниченко открил како санкциите го промениле неговиот деловен живот, но и поради која причина сопственоста над својата компанија ја префрлил на сопругата Сандра Мелниченко, поранешна членка на музичката група „Models“. За тоа, како што открил, разговарал и со рускиот претседател Владимир Путин.

Мелниченко, кој е под западни санкции уште во првите денови од војната во Украина, објаснил дека поради новонастанатите околности бил принуден сопственоста над компанијата „EuroChem“, тогаш втората најголема светска компанија за производство на минерални ѓубрива, да ја префрли на својата сопруга Сандра.

За деталите од својот однос со Владимир Путин тој речиси никогаш не зборувал. Меѓутоа, за време на речиси 60 часа разговори што во изминатите три месеци ги водел со новинарите на магазинот „The Economist“, неколку минути посветил на средбата со рускиот претседател, која се одржала по полноќ на 28 мај 2025 година во Кремљ.

Како што раскажал, Путин го примил во речиси празната зграда на Кремљ, а разговорот траел повеќе од еден час, многу подолго отколку што очекувал. Мелниченко рекол дека веднаш по влегувањето ја забележал црвената папка пред Путин и претпоставил дека во неа се наоѓа досието што за него го подготвиле руските безбедносни служби.

Иако важи за еден од највлијателните индустријалци во Русија, признал дека тоа бил првпат лично да побара средба со претседателот.

За време на разговорот, Путин го прашал која е неговата сопруга.

„Му реков дека е Србинка.“

На тоа рускиот претседател одговорил:

„Па, Србите се пристојни, чесни луѓе. Тие нема да го украдат тоа.“

Мелниченко објаснил дека оваа забелешка се однесувала на фактот дека поради санкциите морал сопственоста над компанијата да ја префрли на својата сопруга Сандра Мелниченко.

Сандра Мелниченко, родена како Сандра Николиќ во Белград, на пошироката јавност ѝ е позната како поранешна членка на популарната група „Models“. По бракот со Андреј Мелниченко во 2005 година, целосно се повлече од јавниот живот во Србија и се посвети на семејството и хуманитарните активности.

Парот има две деца, а со години го привлекуваше вниманието на светската јавност со луксузниот животен стил, вклучувајќи ја сопственоста над една од најскапите јахти во светот и бројни недвижности низ Европа.

Откако Андреј Мелниченко беше ставен под санкции на Европската Унија и Велика Британија, Сандра стана формален сопственик на дел од неговата деловна империја, вклучувајќи ја и контролата над компанијата „EuroChem“.

Овој потег предизвика големо внимание во меѓународната јавност, а сега рускиот милијардер за првпат отворено раскажал како изгледал разговорот со Путин за таа одлука.