[ВИДЕО] Србинка открила како изгледа сезонската работа на брод и ја разбила илузијата на сите кои мислат дека тоа е „уживање на плажа, додека попарно заработуваш“

Бојана, на почетокот од својата шеста сезона во Хрватска, одговори на „редовното прашање на сите сезонски работници: Што ми требаше ова во животот?“, а потоа продолжила на социјалните мрежи да открива делови од секојдневието на сезонците на море.

Таа престојува во Мали Лошињ, каде што работела и во претходните години.

„Еве како ми поминуваат деновите: дома – работа, работа – дома; едно кафе, второ, трето. Топло е, секако, но да се жалиш на жештината додека работиш сезона е исто како кога патниците во јануари се изненадуваат кога ќе падне снег“, се пошегувала таа на сметка на белградските патари, а потоа ја прокоментирала и „екипата“.

„Некои колеги се супер, но некои како првпат во животот да виделе маса во ресторан, а дошле да работат сезона. Но добро, сè е за луѓе“, рекла таа, а потоа го урнала сонот на сите оние кои размислуваат за сезонска работа за да уживаат на плажа, а притоа и да заработат.

Открила и дека ретко има доволно енергија за одење на плажа.

„Одам понекогаш на плажа, но често сум премногу уморна, па најчесто спијам кога имам пауза“, признала таа.

Сепак, времето брзо минува. Вели дека ги брои деновите на календарот и дека не може да поверува оти веќе е август.

„А причината зошто сè ми е во ред е тоа што имам на што да се радувам, а тоа е заминувањето во Виетнам. Точно е дека и таму работам, но работата ми е многу полесна и работам многу помалку. А кога ќе завршам со сезоната, многу е полесно да размислуваш и да одиш каде било со пари на сметка, отколку без пари“, вели Бојана.

Во Виетнам веќе со години работи како професорка по англиски јазик, иако по струка е археолог.