[ФОТО] Врска што го „излуде“ северот на Европа: Познат политичар (72) се ожени со 34 години помладата русокоса

Пратеникот во финскиот парламент и претседател на партијата „Liike Nyt“, Хјалис Хари Харкимо (72) и претприемачката Јасмин Пајари (38) стапија во брак, а потоа на социјалните мрежи објавија и фотографии од прославата.

Истовремено беше откриено дека Јасмин, по склучувањето на бракот, го променила презимето во Харкимо. На својот профил на Инстаграм сега се претставува како Јасмин Харкимо.

Фотографиите се направени покрај вода и во чамец. На една од нив младоженецот седи зад кормилото, додека двајцата заедно гледаат кон хоризонтот.

Јасмин носела нежна венчаница украсена со тантела, со откриени раменици украсени со бисерни детали. Носела и долг вел, а нејзиниот невестински букет бил составен од нежнорозови, бели и зелени цветови, пренесуваат финските медиуми.

Младоженецот за оваа пригода облекол бел костум со темна пеперутка-вратоврска.

Водата очигледно има посебно значење за овој пар. Јасмин била успешна пливачка, додека Хари е првиот Финец кој самостојно го обиколил светот учествувајќи во натпреварувачка едриличарска трка.

Тие двајца се запознале во 2017 година, кога Јасмин го интервјуирала Хари за својата дипломска работа за маркетингот на спортски настани. Сепак, поминале неколку години пред да започнат љубовна врска.

Својата романтична врска официјално ја потврдиле на прославата по повод Денот на независноста на Финска во претседателската палата во декември 2023 година.