Фотографијата ја објави на Инстаграм, а на неа го означи Алекса и кратко напиша „My love“. Иако Лара е активна на оваа социјална мрежа, каде што често споделува фотографии од патувања и излегувања, приватниот живот главно го држи подалеку од јавноста. Токму затоа оваа објава поттикна шпекулации за нејзиниот однос со Алекса, но тие засега не потврдиле дали се во врска, пишува „Blic“.

Кој е таткото на Алекса?

Алекса Шариќ е син на Дарко Шариќ, еден од најпознатите балкански наркобосови, по потекло од црногорскиот град Плевља. Дарко Шариќ е правосилно осуден во Србија на 14 години затвор поради организирање меѓународен шверц на кокаин.

Според пресудата, тој организирал шверц на околу 5,7 тони кокаин од Јужна Америка во Западна Европа во текот на 2008 и 2009 година. По речиси пет години бегство, во март 2014 година им се предал на српските власти. Казната ја издржува во затвор, а Вишиот суд во Белград во септември оваа година го одбил неговото барање за условен отпуст.

Против него се водат и три други постапки пред истиот суд, а во една од нив е неправосилно осуден на дополнителни шест години затвор поради организирање криминална група чија цел била дискредитирање на соработник-сведок во постапката за шверц на дрога.

Чолиќ со години е поврзан со семејството Шариќ

Поврзаноста меѓу семејствата Чолиќ и Шариќ не е нова. Здравко Чолиќ со години настапувал на нивните семејни прослави. Пред две години пеел на прославата на 18-тиот роденден на синот на Душко Шариќ, а интересно е што настапил и на прославата по повод неговото раѓање, пишува „Blic“.

На прославата на полнолетството присуствувале и бројни познати имиња од регионалната естрада, а вниманието го привлече и фотографијата на која Чолиќ позира со поранешната сопруга на Душко, Цеца Димитриќ. Таа пред повеќе од 20 години глумела во еден од неговите музички спотови.

Чолиќ за своите ќерки

Лара неодамна го прославила својот 20-ти роденден на Азурниот Брег, а на прославата во Кан ѝ се придружила и постарата сестра Уна.

Здравко Чолиќ ретко зборува за приватниот живот и за своите ќерки, но во едно интервју за македонска телевизија признал дека и двете се помалку разгалени.

„Не сум премногу дисциплиниран, но сум кога треба. Тоа постојано им го кажувам на моите деца. Имам две ќерки кои се разгалени, се разбира. Па и јас би бил разгален да сум на нивно место. Ние им испраќаме, им даваме што им треба, но сепак би очекувал повеќе од нив...“, изјави Чолиќ во емисијата „Еден на еден“. Пејачот ги доби ќерките Уна и Лара во бракот со повлечената Александра, по професија професорка по географија. Тие се венчале во 2001 година.

Неговата ќерка Уна веќе подолго време е популарна на Инстаграм. Таму има повеќе од 50 илјади следбеници, со кои редовно споделува моменти од својот живот. Често објавува фотографии на кои е облечена во атрактивни комбинации, како тесни фустани или костими за капење, нешто за што Чолиќ еднаш открил дека не му е баш по волја.

„Ја прекорувам, не ми се допаѓа тоа, но не можам да ѝ забранам. Таа е таква... Едноставно, комуницира со луѓето, сака да се фотографира. Јас никогаш не сум бил таков, колку помалку, толку подобро. Само кога морам, поради работата. А таа само телефонот. Не можам да ѝ забранам, што да ѝ правам“, коментирал Чола.