Парот заедно пристигнал на премиерата на нејзиниот нов филм „Focker-in-Law“, која се одржа на 11 ноември во Њујорк, пишува „Пипл“.

Заедно позирале пред фотографите

За премиерата, Аријана избрала долг фустан со бели и светлосиви пруги, цветни детали на горниот дел и лелеав долен дел.

Косата ѝ била собрана во препознатливото високо коњско опавче украсено со бела панделка. Рики носел црно сако, бела кошула и фармерки.

Ѝ дале втора шанса на љубовта

Аријана и Рики се запознале за време на нејзината турнеја „The Honeymoon Tour“, на која тој работел како танчар. Врската ја започнале во април 2015 година, но раскинале во јули 2016 година.

Речиси десет години подоцна, повторно се зближиле. Гласините за нивното помирување се појавиле во јуни оваа година, кога биле забележани на заеднички ручек во Остин, Тексас. Во август, Аријана објавила неколку нивни заеднички фотографии на Инстаграм, со што потврдила дека повторно се заедно.

Поради него го променила текстот на својата песна

Нивната обновена љубовна врска привлекла внимание и за време на турнејата на Аријана „Eternal Sunshine“. На концертот одржан на 1 септември, пејачката променила еден стих од песната „thank u, next“, во која ги споменува своите поранешни партнери, меѓу кои и Рики.

Наместо стихот во кој пее дека пишувала песни за Рики и дека сега се смее на тоа, таа отпеала дека сака тој да биде нејзиниот последен партнер.

Пејачката во последните месеци сè почесто споделува моменти од нивниот заеднички живот. На почетокот на ноември објавила фотографии на кои се прегрнуваат и се гледаат еден во друг, како и фотографија на која го бакнува Рики во челото.

Рики се појавил и во промотивно видео за нејзиниот козметички бренд „Р.Е.М. Бјути“. Во видеото се обидувал да погоди кој кармин или сјај за усни го користи Аријана, а парот за време на снимањето разменил и бакнеж.

Нивното заедничко појавување на премиерата на филмот „Focker-in-Law“ воедно е и нивно прво официјално појавување на црвениот килим откако ја обновиле врската.