Погледнете кои компании престанаа да се рекламираат на Фејсбук по големиот скандал
Во текот на овој месец, Фејсбук се најде сред скандал, кога се откри дека личните податоци на 50 милиони корисници “дошле” до рацете на компанијата “Кембриџ Аналитика” која потоа ги користела за да влијае врз нивното мислење за Доналд Трамп во текот на претседателската кампања во 2016 година.
Ваквиот скандал поттикна многумина да ги избришат своите профили и да го напуштат Фејсбук. На социјалната мрежа започна кампања #DeleteFacebook (Избришете го Фејсбук), а многу светски компании се приклучија на оваа иницијатива.
Некои од компаниите кои се повлекоа од Фејсбук се Pep Boys, Playboy и Sonos.
Наспроти јавното извинување на Марк Закерберг, списокот постојано се зголемува, а на него се најдоа следните компании:
Илон Маск се огласи на Твитер и како одговор на предизвикот, ги избришал страниците на Tesla и SpaceX иако секоја од нив имала над 2 милиони следбеници.
Креативниот директор на Playboy, Купер Хефнер исто така објавил на Твитер дека официјалната Фејсбук страница на списанието ќе биде избришана.
Минатата недела се огласија и претставниците на Mozilla, изјавувајќи дека ќе направат пауза во рекламирањето по пат на Фејсбук.
Втората најголема банка на Германија донела одлука да престане со огласувањето на Фејсбук.
“Привремено ги запираме рекламните кампањи на Фејсбук. Безбедноста на нашиот бренд и заштитата на податоци нѝ се од клучно значење”, изјавиле претставниците на банката.
