Како Мајкл Џордан го троши богатството од 1,65 милијарди долари?

Кога се пензионираше, Мајкл тогаш имал "само" 100 милиони долари, но сега успеа да се најде на листата на Форбс бидејќи е проценето дека неговото богатство вреди 1,65 милијарди долари, што е неверојатна количина на пари. Најголемиот дел од парите, кошаркарот ги заработил преку рекламни договори, а само од компанијата "Nike", тој на годишно ниво заработува повеќе од 100 милиони долари. 

Поради тоа, многумина се прашуваат како легендарниот кошаркар живее и на кој начин ги троши своите пари.

Првата работа која мора да се напомене е неговиот приватен авион кој го носи неговото лого и кој изнесува неколку милиони долари.

Следната работа на листата е неговата куќа од соништата кој сам ја дизајнирал, а која е проценета на неверојатни 12,8 милиони долари. Во склоп на домот, Џордан има и приватен терен за голф, опрема и неколку десетина голф возила.

Поранешниот спортист поседува уште една помала куќа која изнесува 2,8 милиони долари. Покрај овој имот се наоѓа езеро, така што Џордан во својот посед има и неколку бродови и глисери.

Секако, тој е голем љубител на автомобили па затоа во негово сопствеништво се наоѓаат и огромен број на луксузни автомобили чија вредност е непроценлива.

Меѓутоа, Мајкл не ги троши парите само за себе - тој донира огромен дел од своето богатство во добротворни цели со кое им помага на гладните и болни луѓе, но и се труди да опремува училишта и спортски сали за да им овозможи подобар живот на младите. Исто така, тој се фокусирал да им создаде удобен живот на своите деца со вложување во нивните работи и се труди од нив да направи бизнисмени и успешни луѓе.