Тајните на успехот на Џеф Безос: Колку спие, кога држи состаноци и зошто донесува само 3 одлуки дневно?

Тој го зазема првото место на листата на најбогати луѓе на светот и тешко дека некој наскоро ќе го „тргне од тронот“. Зад него е Илон Маск, основач на „Тесла“, иако треба уште многу да се труди за да го стигне Безос. 

За почеток, Џеф Безос вели дека добриот сон е неопходен за нормално функционирање наутро, па тој никогаш не се откажува од своите 8 часа сон. Иако некои бизнисмени тврдат дека спијат само 4 до 5 часа, овој Американец не е помеѓу нив.

Деловните состаноци ги организира наутро, по 10 часот. Тоа се состаноци кои Џеф ги нарекува „high-IQ meetings“ и на нив се донесуваат најважните деловни одлуки за тој ден. Кога сказалките ќе покажат 17 часот, сите одлуки и предлози се оставаат за наредниот ден. По ова може да се заклучи дека Безос не е „ноќна птица“ и претпочита да мисли на работата кога е одморен. 

Интересно е што овој успешен милијардер во текот на состаноците донесува точно 3 одлуки, а се фокусира на работите кои ќе се остварат за наредните 3 години.

Како што наведува во својата книга „Invent and Wander“, моментално се занимава со 2023 година и додава дека одлуките се често двонасочна улица и треба да се биде храбар.

Безос не ги проверува мејловите штом ги отвори очите, туку вели дека пред секоја работа најпрвин појадува со своите деца, пие кафе и го чита дневниот весник.

„Како главен раководител, за што сте навистина платени? За донесување мал број висококвалитетни одлуки. Вашата работа не е секојдневно да донесувате над 1000 одлуки“, напишал Безос.