Некогаш беше најплатен актер, а потоа на врвот од кариерата призна за својата болест, додека богатството од 150 милиони долари веќе не постои

Поминаа повеќе од 30 години откако Чарли Шин ја освои публиката со филмот „Major League“, a токму тој филм бил и повод неодамна да се сретне со колегата Боб на некој калифорниски настан.

Фотографите го забележале секој момент од таа средба, а многумина се согласиле дека Шин изгледа измачено и уморно и дека е далеку од оној каков што публиката го памети.

Денес јавноста вели дека Шин е еден од најконтроверзните актери. И покрај фактот што беше најплатениот ТВ актер во 2014 година, Шин јавно призна дека потрошил богатство од 150 милиони долари и дека речиси завршил на улица како бездомник додека се борел со бројните долгови.

Една од неговите најголеми улоги во кариерата ја оствари преку Чарли Харпер во серијата „Two And A Half Man“ во која заработуваше и по 1,8 милиони долари од една епизода.

Покрај тоа тој заработуваше и од снимање на реклами, други филмови, но исто така работел и на неколку телевизиски проекти благодарение на што на неговата сметка се нашле 150 милиони долари, а во својот дом имал и престижни награди – како „Златен глобус“ и „Еми“.

На самиот врв од кариерата на Шин сепак нешто се превртило наопаку. Почнал да се однесува непримерно, а исто така го поврзуваа и со зависност од дрога и алкохол.

На сето тоа влијаело и неговото признавање дека е ХИВ позитивен, почнал да ја губи работата и проектите, бил исфрлен од серијата во која го толкуваше главниот лик.

Инаку, Шин три пати застанал пред олтар, а бил во љубовни врски со многу славни дами.

Актерот во последните години зборуваше и дека е свесен за своите грешки од минатото и дека работи на подобрување на односот со своите деца за кои мисли дека еден ден ќе имаат сила и храброст да му простат.