Спортистите кои учествуваат на Зимските олимписки игри во Пекинг, пред некој ден изразиле незадоволство од храната која се служи во олимпиското село.
Руската биатлонка, Валерија Васњецова, на 3 февруари на социјалните мрежи објавила и фотографии од „сиромашниот“ оброк и објаснила дека тоа веќе со денови на учесниците им е појадок, ручек и вечера.
Како што напишала, веќе со денови добиваат обични тестенини, препечено месо со коски, сос од домати, а зеленчук воопшто и да нема.
„Ме боли стомакот, бледа сум и имам големи црни кругови околу очите. Сакам ова да заврши. Секој ден плачам. Многу сум изморена“, напишала Васњецова и додала:
„Изгубив неколку килограми, ми се гледаат коските. Не можам да јадам ништо друго, не знам ништо за своите корона-тестови“, се жалела Русинката.
Освен на храната, олимпијците се жалеле и на многу ниските температури во текот на натпреварувањата, неразбирливите ковид-правила, лошиот интернет...
Russian athlete Valeria Vasnetsova posted this photo on Instagram.
— Joe Pompliano (@JoePompliano) February 7, 2022
She says that the same meal has been served at the Winter Olympics in Beijing for "breakfast, lunch, and dinner for five days already." pic.twitter.com/AspgWEqutb
На сето ова одговорил легендарниот руски биатлонец Александар Тихонов (75), освојувач на четири златни медали на Игрите:
„Би ѝ го отсекол јазикот за таквите забелешки. На Олимписките игри во 1980 година живеевме во Америка како во затвор и никој не се жалеше. Таквите проблеми во тимот мора да ги решавате, а не да се жалите на интернет. Поради неа расположението во тимот е на најниско ниво“, изјавил тој за „Sport24“.
Потоа додал и дека со тоа таа ги деморализира руските спортисти и ја нарушува целокупната атмосфера.