Ова е најдобриот паметен телефон за 2023 година: Сè што треба да знаете за наградениот смартфон на „Google“

„Google Pixel 8“ ја освои наградата за телефон на годината за 2023 година над многу други конкуренти, вклучувајќи ги „iPhone 15 Pro“, „OnePlus Open“, „Samsung Galaxy S23“ и „Samsung Galaxy Z Flip 5“.

Наградата за најдобар паметен телефон во 2022 година ја освои „iPhone 13 Pro“, додека „Samsung Galaxy S21 Ultra“ ја освои наградата во 2021 година. Ова е првпат „Google“ да ја освои оваа престижна награда.

„Google Pixel 8“ носи многу подобрувања во однос на неговите претходници, вклучително и потполно нови функции за вештачка интелигенција и додавање на новиот чипсет „Tensor G3“.

„Google Pixel 8“ поседува 6,2-инчен Actual екран со брзина на освежување од 120 Hz и густина на пиксели од 428 ppi. Екранот на „Pixel 8“ поддржува импресивни 2000 нити врвна осветленост и доаѓа со „Corning Gorilla Glass Victus“ заштита на предната и задната страна.

„Google Pixel 8“ овозможува силни перформанси на камерата, со примарна камера од 50 MP, проследена со ултраширока камера од 12 MP и селфи камера од 10,5 MP. Се напојува со батерија од 4.575 mAh која овозможува брзо полнење. „Pixel 8“ ги задржува омилените карактеристики на својот претходник, како што се поддршката за безжично полнење Qi и IP68 оцена за отпорност на прашина и вода.

„Pixel 8“ работи на процесор Tensor G3, нудејќи и брзина и подобрена ефикасност во споредба со неговиот претходник, Tensor G2. Доаѓа со 8 GB RAM и нуди простор за складирање до 256 GB.

„Google Pixel 8“ доаѓа со однапред инсталиран најнов оперативен систем Android 14. „Google“ значително ја прошири својата софтверска поддршка, ветувајќи дека ќе обезбеди до 7 години безбедносна заштита и големи ажурирања на Android OS, што значи дека паметниот телефон ќе се ажурира до Android 21.