„Среќата не ги следи само храбрите, туку и оние кои веруваат дека тука им е местото“: 15 цитати на Новак Ѓоковиќ кои можат да ви помогнат да ги остварите целите

Српскиот тенисер Новак Ѓоковиќ денеска го слави својот 37-ми роденден, во што ретко кој може да поверува кога ќе го види на теренот.

Статистички најдобриот тенисер на сите времиња освојува трофеи и урива рекорди од турнир во турнир, неодамна повторно ја доби наградата Лауреус за најдобар спортист на годината, а и многу помладите и врвни играчи не можат да се изборат со него и да го совладаат.

Многу е зборувано за Новак, специјалниот режим на исхрана и начинот на тренирање кои го довеле до светскиот врв и го претворија во феномен, но една од клучните работи е неговиот карактер.

Секогаш „гладен“ за нови успеси и подготвен за борба дури и кога ситуацијата изгледа безизлезна, Ѓоковиќ пред сè е познат по својата ментална сила, а ова се дел од неговите цитати кои можат да ви послужат како инспирација пред најголемите предизвици.

- Мислам дека среќата не ги следи само храбрите, туку и оние кои веруваат дека тука им е местото.

- Кога размислувам за „Златниот слем“, се ежам и чувствувам пеперутки во стомакот.

- На теренот е важно да се има верба. На крајот на денот, сè се сведува на психата. Во тие моменти кога играте против големи шампиони како што е Рафа, треба да верувате. Важно е да не се откажувате и да ризикувате. Јас отсекогаш сум верувал, но тоа е процес кој се учи.

- Притисокот е дел од она што го правиме. Тој е секогаш присутен.

- Сè во животот е лекција.

- Мора да бидете доследни во успехот за да бидете меѓу најдобрите тенисери во светот и тогаш сè е можно во животот.

- Повеќе од сè, треба да веруваме во себе.

- Секоја година носи нови предизвици и препреки. А вие морате да се приспособите.

- Тенисот е психичка игра. Сите се физички подготвени, секој има одличен форхенд и бекхенд.

- Најголемиот дел од проблемите поради кои бев потиштен ги предизвикував јас самиот. Имаше периоди кога не бев доволно одговорен или одлучен.

- Кога ќе се одигра и последниот поен, ние и понатаму сме луѓе. Прегрнете го противникот, кажете му: „Одлична борба“ и тоа е тоа.

- Победник е оној кој повеќе верува во победа.

- Мојот приоритет, најважното нешто во мојот живот е семејството, мојата сопруга и децата.

- Во мојот случај, можам да кажам дека ништо не е невозможно. Кога на 7-8 години реков дека сакам да бидам светски број еден, многу луѓе ми се смееја затоа што изгледаше како да имам еден процент шанса за тоа - но јас го направив тоа.

- Знам дека успехот не доаѓа наеднаш, дека не се постигнува преку ноќ. Тоа е резултат на многу, многу, многу години напорна работа и труд да ги постигнете целите.