Правило на шест секунди: Како овој едноставниот гест може да ја унапреди вашата љубовна врска

Што е правилото на бакнеж од шест секунди? Ова правило се однесува на секојдневното бакнување со партнерот најмалку шест секунди. Овој ритуал на бакнување кој можеби изгледа како ситница, всушност има длабоко значење.

Окситоцинот, хормонот кој често се нарекува „хормон на љубовта“, се ослободува за време на физичката интимност, а бакнежот од шест секунди може значително да го подобри чувството на поврзаност и доверба меѓу партнерите.

Истражувањата велат дека бакнежот подолг од три секунди веќе почнува да предизвикува позитивни емоционални реакции.

Кога се бакнувате шест секунди, не само што се ослободува окситоцин, туку се активираат и други хормони на среќа, како што се серотонин и допамин. Овој краток момент може да биде како магична напивка која го враќа ентузијазмот и ве зближува со партнерот, без разлика на тоа колку долго сте заедно.

Експертите ја потенцираат важноста од создавање ритуали во врската. Секојдневните средби, како на пример враќањето дома од работа или заедничките оброци, често поминуваат незабележано. Со воведување ритуали како бакнеж од 6 секунди или прегратка од 20 секунди, можете да ја промените динамиката на тие моменти.

Овие мали моменти на внимание ќе ви помогнат да се чувствувате посигурно создавајќи емоционална поврзаност која може да биде клучна за стабилноста на врската.

Без оглед на тоа дали сте во врска една година или сте во брак 40 години, бакнежот од шест секунди може да биде совршен начин за зајакнување на врската. Поради тоа, наредниот пат кога ќе се сретнете со партнерот, одвојте неколку секунди за бакнежот.