„Парите не се проблемот“: Адвокатите на Безос се соочуваат со комплицираниот пребрачен договор
Со неверојатно богатство од 220 милијарди долари, претстојната свадба на Џеф Безос и Лорен Санчез сигурно ќе биде спектакуларен настан. Но, сè уште има работа што треба да се заврши пред свадбата.
Како трет најбогат човек во светот, основачот и поранешен извршен директор на „Амазон“, со помош на армија правни експерти, подготвува стабилен предбрачен договор пред да го кажат судбоносното „Да“.
Џеф (61) и Лорен (55), кои се свршија во 2023 година на неговата суперјахта од 500 милиони долари покрај брегот на Кан, наводно се многу возбудени за нивната претстојна венчавка. Според „МејлОнлајн“, Безос би се оженил „уште утре“ доколку може, но неговите адвокати нема да му дозволат додека не се средат сите правни детали.
Предбрачниот договор е во подготовка веќе неколку месеци.
Со оглед на тоа што богатството на Безос се проценува на 220 милијарди долари, адвокатот истакнува дека за да се заврши таков предбрачен договор би биле потребни неколку месеци. Процесот вклучува проценка на вредноста на имотот, обврски за правно откривање, преговори и внимателно составување договори.
„Предбрачен договор на ова ниво на богатство е огромен потфат, кој често вклучува армија од скапи адвокати и финансиски советници, не само во САД, туку и во странски земји, каде што Безос поседува значителен имот“, објасни еден адвокат, според „Хелоу!“.
„Проблемот не е во количината на пари, туку во сложеноста. Треба да се хармонизираат законите на различните јурисдикции, да се осигура дека договорот е извршлив на суд, да се земат предвид приватните инвестиции, портфолијата на недвижности, структурите на управување на компаниите и да се зачува максималното ниво на приватност“, додава тој.
Интересно е што Џеф Безос немал предбрачен договор во бракот со Мекензи Скот, неговата поранешна сопруга. Тие се венчаа пред да ја изградат својата милијардерска империја, додека „Амазон“ беше само мала онлајн книжарница. Тие се венчаа во 1993 година и поминаа 25 години заедно пред да се разведат. Поради недостаток на предбрачен договор, разводот беше доста комплициран.
Како дел од спогодбата, Мекензи – која стоеше покрај Џеф за време на експоненцијалниот раст на Амазон – доби 38,3 милијарди долари и 4 отсто удел во компанијата. Според „Форбс“, неговото богатство моментално се проценува на 165,3 милијарди долари.
