[ФОТО] "Škoda Enyaq RS Race": Тркачки ѕвер полесен за 316 килограми
Револуција во тркачкиот дизајн – "Škoda" го претстави ултралесниот "Enyaq RS Race".
"Škoda" ја откри новата верзија на својот концепт "Enyaq RS Race", базиран на освежениот "Enyaq Coupe", носејќи со себе вистинска иновација – возилото е полесно за дури 316 килограми благодарение на употребата на биокомпозитни материјали од ленени влакна.
Лесната каросерија, направена од исти материјали кои нудат слични предности како јаглеродните влакна, вклучува браници, крила, покрив, заден спојлер, па дури и внатрешни компоненти како инструмент табла, облоги на вратите и потпирачи за нозе.
Дополнително, автомобилот има прозорци од поликарбонат, што уште повеќе ја намалува масата.
Агресивниот „body kit“, 20-инчните "OZ Racing" фелни, керамичките сопирачки и оптимизиранате аеродинамика му даваат изглед на вистинска тркачка машина.
Внатрешноста е сведена на минимум – со дигитални дисплеи, тркачки седишта, волан со можност за брзо вадење, заштитен рол-кафез и систем за автоматско гасење на пожари.
Перформансите не заостануваат зад дизајнот: погон на сите четири тркала со два електромотора испорачува 340 коњски сили, овозможувајќи забрзување до 100 km/h за помалку од 5 секунди и максимална брзина од 180 km/h.
Овој концепт не е само визија за иднината – тој е доказ дека одржливи материјали и врвни перформанси можат да одат рака под рака, нагласуваат од "Škoda".
