Летните денови, високите температури и опуштената атмосфера привлекуваат голем број луѓе во кафулињата и рестораните, каде што бараат освежување или оброк во сенка. Но, со метежот што го носи сезоната, честопати доаѓаат и неочекувани глетки – некои забавни, други малку загрижувачки.

Еден таков момент неодамна се случил во Шпанија, кога еден келнер, откако семејство со мали деца си заминало, се приближил до масата каде што седеле и таму доживеал изненадување што го споделил со светот. На социјалната мрежа Икс, корисникот „@soycamarero“ објави фотографија од маса на која остатоци од кечап биле обликувани во лица – како масата да е табла за цртање, а не место каде што се служи храна. Неговиот саркастичен опис над фотографијата „Баш забавно“ брзо го привлече вниманието на јавноста.

Објавата предизвика бројни реакции

Под неговата објава се редеа бројни коментари. Многумина ја опишаа ситуацијата како симптом на модерно попустливо воспитување и недостаток на родителска одговорност. „Ова е резултат на воспитување без граници. Кога бев дете, погледот на мојот татко ми беше доволен за да знам што е правилно“, напиша еден корисник на Икс.

Овој коментар поттикна низа слични мислења кои предупредија на недостатокот на дисциплина и граници што децата денес – според многу корисници на социјалните мрежи – едноставно повеќе ги немаат.

Иако настанот предизвика бројни критики, имаше и такви кои повикаа на поголемо разбирање. Некои се обидоа да ја видат ситуацијата од поинаква перспектива – како безопасен израз на детската имагинација што можеби само наишла на погрешно „платно“.

Објавата на келнерот предизвика жестока дебата за границите на пристојноста и родителската одговорност во време кога границите на добриот вкус се чини дека сè повеќе се преминуваат.