Кога кралот Чарлс трети ги пречека претседателот и првата дама на Франција, кои беа во тридневна државна посета на Велика Британија, неговото крваво око го вклучи алармот кај многу Британци кои се прашуваа дали сето тоа е поврзано со ракот од кој боледува.
На бројни слики од приемот, доминираше црвенилото во неговото око. Извор од Палатата тврдеше дека ова е вистината за вознемирувачкиот феномен.
Извор од Палатата рече дека Чарлс трети имал пукнат капилар во окото и дека проблемот не е поврзан со рак или со друг здравствен проблем, пишуваат странските медиуми.
Како што е наведено на веб-страницата на клиниката Мајо, капиларот во окото може да изгледа алармантно, но обично е безопасен. Често се јавува без никаква повреда и може да биде предизвикан од нешто толку безопасно како силно кивање или кашлица.
King Charles spotted with painful-looking red eye after suffering burst blood vessel ahead of Macron state visit pic.twitter.com/kjWAq0tK7m
— The Sun (@TheSun) July 8, 2025
Третманот обично не е потребен, а црвенилото обично исчезнува само по себе во рок од една до две недели.
„Тој е полош отколку што велат, ја кријат суровата вистина од нас“, веруваат некои Британци, додека кралот Чарлс изгледаше одлично расположен кога ги поздрави Макронови, или барем сакаше да остави таков впечаток и да го сврти погледот од црвеното око.
