Рори Мекилрој, познатиот голфер, покажал колку го обожува тенисот и Новак Ѓоковиќ и така за помалку од три часа преминал 1.222 километри и од Џорџија стигнал во Њујорк за да ужива во играта на Србинот.

Олимпискиот шампион од Париз успеал лесно да го победи Американецот Лернер Тиен.

Натпреварот завршил за помалку од три часа, а Мекилрој се нашол на Ју-Ес опен и на стадионот „Артур Еш“ каде го следел Новак Ѓоковиќ.

Откако завршил на 23 место на шампионатот, тој одлучил да се опушти и да ужива во првиот сингл на најдобриот тенисер на светот на големиот турнир во Њујорк.

Петкратниот освојувач на големите турнири се нашол во друштво на двајца пријатели, а по натпреварот имал можност да се сретне со Србинот и да поразговара.

Новак многу добро го стартуваше Ју-Ес опен, освен вториот сет во којшто се мачел.

„Среќа е што имам два дена одмор. Не сум повреден, но многу се мачев да останам во долгите размени и да закрепнам после поенот. Тоа е што е. Имаше многу тензии на терен, играв со млад Американец ноќна сесија, не сум играл шест седмици официјален натпревар. Морав да играм најдобро што можам. Мислам дека тоа го направив во првиот и третиот сет, вториот беше преживување. Мислам дека е добро што го доживеав тоа, дека така го скршив мразот“, изјавил Новак.

Кој е Рори Мекилрој?

Мекилрој е голфер од Северна Ирска и некогаш бил првиот играч во светот, а на чело на најдобрите играчи бил 100 седмици.

Дури пет пати ги освојувал големите турнири, а тој е шести човек којшто постигнал модерен гренд слем во кариерата и воедно прв Европеец којшто го направил тоа.

Со голф почнал да се занимава како аматер, а потоа стигнал до првото место на аматерската ранг-листа, кога имал 17 години. Истата година (2007) станал професионалец.

Веќе во 2009 година успеал да ја оствари првата победа на европската турнеја, а потоа во 2010 година и на PGA турнејата. Во наредните години непрекинато ги поместувал границите и сега важи за легенда на овој спорт.