[ФОТО/ВИДЕО] „Lacoste“ го смени долгогодишното лого во чест на Новак Ѓоковиќ – GOAT e новиот симбол

На една од фотографиите, Новак позира со златна мрежа која му служи како наметка во беспрекорно комбиниран крем аутфит.

По повод ова издание, „Lacoste“ одлучил привремено да го замени своето препознатливо лого со зелен крокодил со симболична коза - GOAT („Greatest of All Time“) како почит кон Новак Ѓоковиќ.

Оваа посебна колекција која вклучува поло маички, јакни, тренирки и капи, достапна е во ограничени количини и ја одразува долгогодишната соработка меѓу брендот и српската тениска легенда.

Францускиот спортски бренд којшто е основан уште во 1933 година, ширум светот е познат по својот зелен крокодил. Ѓоковиќ е опремен од страна на овој бренд веќе осум години, а сега крокодилчето е заменето со зелена коза (GOAT) за да се прослави статусот на тенисерот – најголем на сите времиња.

Новата ограничена колекција е објавена во видео на социјалните мрежи на брендот.

Под објавата пишува:

„Од крокодил до емоџи на коза. Откријте ја колекцијата која го слави @DjokerNole: единствениот играч чија кариера е одбележана со страст, упорност и големина.

Тениските фанови брзо реагирале на најавата на колекцијата инспирирана од Ѓоковиќ, а некои напишале:

„Новак Ѓоковиќ... GOAT од сите Goat-ови“, „Прекрасно сработени“, „Ми се допаѓа што и фановите се вклучени и како изгледаат работите“, „Целосно заслужено. Ноле без сомнеж GOAT и оваа иницијатива е неверојатна. Ве молам земете ми ги парите веднаш“.