Земјоделците често ангажираат пчели за да го опрашуваат мангото, а и неговите плодови да бидат што поголеми.

Пар манго од Мијазаки кои биле продадени на јапонска аукција пред две години, чинел околу 3.500 евра, односно 600 илјади јени.

Познато по својот врвен квалитет и исклучителен вкус, ова овошје често се нарекува и јајце на сонцето поради својата посебна боја и совршена кора без дамки.

Мангото од Мијазаки е вистински престиж и нешто кое го посакуваат богатите, а иако на аукции може да достигне луда цена, може да се најде и во ексклузивни продавници по цена од 30 евра.

Зошто е толку скапо?

Ова манго се бере секоја година во Мијазаки, меѓу април и август. За разлика од жолтото манго кое е вообичаено во југоисточна Азија, мангото од Мијазаки има црвена кора, слична на јаболкото.

За да стане симбол на престижот, овошјето се одгледува со користење на посебни земјоделски техники и подложно е на строги мерки за квалитет.

Најскапото манго на светот нема долга традиција. Историјата на одгледувањето на мангото во Мијазаки е релативно нова, започнала во 80-тите години.

Подрачјето е познато по своето произведување на овошје, благодарение на климата, обилната сончева светлина и идеално земјиште, што го прави совршено за одгледување.

Како се произведува?

Процесот на произведување започнува со внимателно избрани садници кои се садат во хранливо земјиште и се ставаат во оранжерии заради заштита од лошото време и штетници.

Успешното одгледување бара и други услови – стабилна температура, многу вентилација и оптимална влажност. Секое манго мора да добие доволна количина сончева светлина за да ја развие својата црвена боја и слаткиот вкус, а дрвцата редовно се режат, им се става ѓубриво, им се става вода. По бербата, овошјето внимателно се пакува и се транспортира на пазарот, со строги мерки на контрола на квалитет.

Во текот на целиот процес вниманието е посветено на деталите и тоа е клучот во создавање на најдоброто манго од Мијазаки кое има исклучително кремаста текстура, мирислива арома и е сочно.

Високото ниво на шеќер за возврат му дава неверојатно сладок и богат вкус. Иако сите се подложни на строга контрола, само најдобрите примероци ја добиваат титулата „taijo no tamago“ (јајце на сонцето) и се продаваат на аукција секој април.

Ова исклучително овошје често се купува како подарок и е дел од јапонската луксузна култура на дарување на овошје на колегите, шефовите, клиентите, пријателите и семејството.