Тој една година му испраќал мејлови на Марк Бениоф, директор на компанијата „Salesforce“, сѐ додека тој не се огласил и не се согласил да се појави во неговиот поткаст.

Приказната била откриена на едно од ноемвриските гостувања во емисијата „Biography“ каде Стебингс отворено говорел за својата необична, но успешна тактика. Тој нагласил дека поголем дел од луѓето не знаат да напишат квалитетен мејл, додека пак добрата порака всушност може да се усоврши.

Тој тврди дека сѐ започнува со јасна и директна тема на пораката, без непотребни воведи и фрази. Веднаш по поздравот се наведуваат причините за обраќање, а потоа кратко објаснување зошто соговорникот треба да каже „да“.

Стебингс истакнува дека на гостинот треба да му дадете до знаење што добива со тоа што се појавува во поткаст и колку време му е потребно за тоа.

Како Стебингс го тестирал „личниот момент“ во пораките

За да го придобие Бениоф, Стебингс испраќал различни верзии од пораката, менувајќи го завршниот дел во зависност од тоа што би можело да го наведе. Некогаш би го поврзал со ветување дека ќе му го подари омиленото виски, некогаш би ја сменил дестинацијата која ја сака, некогаш тоа биле најновите резултати на „Salesforce“ во последниот квартал од годината.

Сето тоа го правел за да создаде чувство дека во пораката се наоѓаат лични, автентични детали. Во ерата на вештачка интелигенција, како што вели тој, луѓето сѐ повеќе користат модели да најдат интересни информации за соговорниците. Но, клучот и натаму е ист: покажете дека сте се потрудиле и дека не испраќате генерирачка порака.

Бениоф сето тоа го видел и ја признал вистината

Дека Бениоф го забележал бројот на обиди, потврдено било уште во 2023 година кога на социјалната мрежа „X“ напишал дека Стебингс го „контактирал сто пати пред да се согласи на интервју“. Со тоа практично потврдил дека упорноста некогаш ги надминува сите бариери и дека енергијата која Стебингс ја вложил вредела.

Во светот на стартапи и инвестиции каде контактите се градат брзо и често не остануваат, Стебингс порачува дека секогаш треба да се бира патот којшто води кон нови можности.

Неговиот пример сега станува приказна која многумина ја препорачуваат затоа што покажува колку далеку може да отиде некој којшто знае што сака.