Скутер-авион, со електричен погон без пропелер, може да лета неколку метри над земјата. И она што е најинтересно, според тврдењата на компанијата, не бара никаква пилотска дозвола.

Наречен „JetBike“, тој се напојува со 48 електрични вентилатори, по 12 во секој агол. Компактен е и лесен за полнење дома.

Скутер дизајниран за забава, но не како транспортно средство

Овој електричен уред е дизајниран исклучиво за рекреативно летање и забава, а не како превозно средство. Ова го покажува и фактот дека со полна батерија овозможува лет до 15 минути, со ограничена максимална брзина од 97 км/ч.

Кога станува збор за висина на летот, може да се искачи на 4,5 метри од земјата. Димензиите на леталото се околу 2×2 метри, доволно за да се смести во гаражата на сопственикот.

Покрај тоа, рамката на возилото вклучува „roll-hoop“ структура што го окружува пилотот и му обезбедува заштита во случај на пад, превртување или судир. Според компанијата генерираната бучава е екстремно ниска (околу 80 децибели, што е блиску до бучавата на прометна улица), бидејќи оваа структура служи и како потпора за повеќе електрични млазни единици.

Преднарачките се во тек

Досега, електричниот „Solo JetBike“ го поминал тестирањето на прототипот, а производителот им понуди на клиентите можност за преднарачка. Основната цена е 86.286 евра, а сè уште не е објавено кога ќе започнат испораките.

Компанијата што стои зад оваа иновација е основана од инженерот за млазен погон Пит Битар и поранешниот дизајнер на автомобили на Мазда, Карлос Салаф. Компанијата, исто така, сака во иднина да развие летечки автомобил со брзина од 402 км/ч наречен „LEO Coupe“.