Ова шише, направено во 1981 година и посебно обележано за кралската венчавка која ја следеле над 700 милиони луѓе ширум светот, денес се смета за ретка колекционерска скапоценост.

„Произведени се само 12 магнум шишиња и ова е едно од нив“, изјавил за „AFP“ Томас Росендал Андерсен, експертот за вино од аукциската куќа „Bruun Rasmussen“.

Вредноста се проценува на скоро 100.000 долари

Станува збор за магнум шише шампањ „Dom Perignon Vintage“ од 1961 година, а организаторите на аукција очекуваат дека ќе достигне цена меѓу 500.000 и 600.000 дански круни, што е приближно околу 78.000 до 93.000 американски долари. Продажбата ќе се одржи на 11 декември во предградието на Копенхаген.

Росендал наведува дека шишето освен љубителите на вино ќе ги привлече и колекционерите на кралски сувенири.

„Овој шампањ и натаму може да се пие. Секое шише кое оди на аукција детално се прегледува“, нагласил тој.

Строги контроли пред продажбата

„Кај ваквите ретки примероци правиме повеќе различни проверки – вклучувајќи и осветлување на шишето со специјално светло за да видиме дали виното има убава, бистра боја и не потемнело и нема матна нијанса“, објаснува експертот.

Моменталниот сопственик на ова скапоцено шише е анонимен, а шампањот го набавил од некој лондонски трговец.

Некогаш без купувач, денес вистински раритет

Интересно за шампањот е тоа што тој не наишол на голем интерес од страна на јавноста. Едно магнум шише понудено било на британска аукција во 2004 година и не успеало да најде купувач. Сепак, четири години подоцна, друго исто шише било продадено за околу 12.000 долари, што говори колку денес побарувачката се зголемила.