Човекот кој ја промени историјата на фудбалот денес живее од минимална пензија, Мата се јавил да му помогне
Оваа година се одбележуваат 30 години од пресудата во случајот „Жан-Марк Босман“ – најреволуционерната правна одлука во историјата на европскиот фудбал која засекогаш ги промени правилата за трансфери и статусот на фудбалерите во Европската унија.
Сè започна во 1990 година, кога 25-годишниот белгиски фудбалер Жан-Марк Босман одлучи да го тужи клубот Лиеж откако му беше забрането да потпише за Данкерк.
Босман сакал да ја продолжи кариерата во Франција, но неговиот клуб се обидел да го задржи со отштета од 12 милиони белгиски франци (денешни околу 470.000 евра). Одлуката да се обрати на суд предизвика шок во фудбалскиот свет и го промени статус кво-то.
Пресудата на Судот на правдата на ЕУ од 1995 година донела револуционерни промени па така фудбалерите од ЕУ повеќе не го заземаа местото „странски играч“ во клубовите на Унијата.
Тие добија право на слободно движење и работа во било која земја од ЕУ по истекот на договорот, а клубовите можеле да состават тимови со 11 играчи од ЕУ без ограничување за странските играчи.
Оваа одлука, позната како „пресудата Босман“, долгорочно влијаела и на играчи од други европски и африкански земји со договори за придружување кон ЕУ, придонесувајќи за универзализација на составите на тимските состави.
И покрај тоа што неговиот придонес за европскиот фудбал е непроценлив, Босман денес е речиси непознат за јавноста. Со 61 година живее од минимална социјална пензија и тоа откако неговата тужба ја завршила неговата спортска кариера и го довела до финансиски пропаст.
Пензијата му ја обезбедува Меѓународната федерација на професионални фудбалери (FIFPro). Негова кариера заврши во ЦС Висе, крајот на сезоната 1996/97, далеку од медиумскиот сјај и финансискиот просперитет кој го обезбеди за генерации фудбалери.
Биле упатени апели до професионалните фудбалери да собираат средства за Босман, а само тројца, вклучувајќи го и Шпанецот Хуан Мата, кој играше за Манчестер Јунајтед и Валенсија, донирале пари за кампањата наменета за човекот кој ги ослободи своите колеги од систем во кој фудбалерите биле заложници на своите клубови, дури и по истекот на договорите.
Неговата одлука им овозможи на бројни генерации професионалци слободно да ја продолжат кариерата во странство.
Адвокатот Хуан де Диос Креспо, специјалист за спортско право, го опишал Босман како „човек помлад од него, кој личи на неговиот дедо“. „Скршен е“, рекол тој за време на средбата пред пет години.
