„Венгеровото правило“ е поблиску од кога било: Инфантино потврди дека се подготвува револуција во фудбалот
Претседателот на ФИФА, Џани Инфантино, на Светскиот спортски самит кој деновиве се одржуваше во Дубаи, најави можна револуционерна промена на правилото за офсајд која ја претстави поранешниот славен тренер на Арсенал, Арсен Венгер.
„Разгледуваме промена на правилото за офсајд, кое еволуираше низ годините и во моментов бара напаѓачот да биде зад дефанзивецот. Можно е во иднина напаѓачот да мора да биде целосно пред него за да се смета дека е во офсајд. Продолжуваме да ги анализираме правилата и да се прашуваме како можеме играта да ја направиме поофанзивна и попривлечна“, изјави Инфантино.
⚽️
— Luis Omar Tapia (@LuisOmarTapia) December 30, 2025
El presidente de la FIFA, Gianni Infantino, aseguró que analizan cambiar a futuro la regla del offside.
La “Ley Wenger” plantea que un jugador solo estaría en fuera de juego si obtiene una ventaja clara y tangible con una parte activa de su cuerpo con la que pudiera anotar,… pic.twitter.com/j8b0qvKIXd
Венгер ја претстави оваа промена на правилото за офсајд пред две години, а ИФАБ (Меѓународниот одбор на фудбалски асоцијации) е телото кое мора да го одобри секое фудбалско правило пред негово официјално усвојување.
„Венгеровото правило“ настана како предлог за подобрување на правилото за офсајд, кое често е извор на контроверзии кога разликата меѓу дефанзивецот и напаѓачот е толку мала што речиси не е видлива со голо око.
Според неговиот предлог, офсајд повеќе не би се досудувал доколку само еден дел од телото на напаѓачот е пред противникот, туку само ако целото тело на напаѓачот е пред дефанзивецот.
ИФАБ ќе го анализира „Венгеровото правило“ на состанокот што ќе се одржи на 20-ти јануари во Лондон, а на главното собрание во Велс во февруари ќе се расправа за предлогот, со намера тој да почне да се применува веќе од следната сезона.
