Лука Дончиќ ја ангажирал „кралицата на разводите“: Разведе многу познати како Ким Кардашијан и Бритни, а победи и во „судењето на векот“

Како што пишуваат американските медиуми, судските записи од округот Лос Анџелес покажуваат дека суперѕвездата на Лејкерс неодамна ја ангажирала Васер, која стекна репутација како исклучително вешта во помагање на славни личности при разводи, поради што го добила прекарот „кралица на разводите“.

Меѓу нејзините поранешни клиенти се Ким Кардашијан, Бритни Спирс, Рајан Рејнолдс, Анџелина Џоли и Џенифер Гарнер.

Покрај тоа, таа го застапуваше Џони Деп за време на неговиот медиумски проследен развод од Амбер Херд во 2016 година, а неодамна му помогна на Пост Малоун да обезбеди правна победа во спор за старателство над детето со поранешната свршеница.

Васер му се приклучи на тимот на Дончиќ неколку дена откако Анамарија Голтес претходно овој месец во Лос Анџелес поднесе барање за алиментација од 27-годишниот НБА играч.

Една од првите задачи на влијателната адвокатка беше обидот да се отфрли случајот на Голтес. Копија од барањето за поништување и/или отфрлање на петицијата за издршка на малолетни деца, поднесена во петокот, покажува дека Васер тврдела дека случајот треба да се отфрли од повеќе причини.

Таа навела дека ниту една од вклучените страни (Дончиќ, Голтес или нивните две деца) не е жител на Калифорнија. Исто така истакнала дека Дончиќ во февруари во Словенија поднел семејно-правна тужба за да ја реши ситуацијата и изјавила дека „Словенија е соодветен форум за решавање на овој спор“.

Во барањето е наведено и дека смета оти „калифорниската петиција е јасен обид за барање судска одлука и користење на дарежливите износи на алиментација по кои Калифорнија е добро позната“.

„Во исто време, Анамарија му го ускратила пристапот до децата на Лука, што доведе до тоа тој да поднесе правна тужба во Словенија во февруари 2026 година. Словенечката тужба се однесува и на старателството над децата и на издршката. Лука доследно ги плаќал сите трошоци за децата и дополнителна издршка за Анамарија во Словенија“, додала Васер.

Се очекува судијата да донесе одлука за барањето на Васер на рочиштето закажано за мај.