На крајот тој наводно бил во врска и со младата актерка Долорес Ламбаша, за која многумина зборуваа дека е наследничка на прочуените убавици од осумдесеттите.

Беба Лончар

Радељак најпрво беше во брак со убавата Беба, со која го доби и синот Лео. Таа по раѓањето на детето одлучи да ја напушти глумата иако во тој момент беше најпопуларната и најбарана актерка.

Сепак, во 1994 година, кога Лео имал шест години, Јосип и Беба решија да се разведат. Наскоро се дозна дека Радељак ја изневерувал Десанка со актерката Ена Беговиќ, со која подоцна се ожени.

Сепак, разводот бил жесток. Беба целосно се повлече од јавноста и повеќе не сакаше да коментира ништо поврзано со тој дел од својот живот, додека Радељак инсистираше тој да ја преземе грижата за детето. Актерката не сакала да го прифати тоа, па Дикан, како што се наведуваше, решил да ѝ направи пекол од животот.

Како што пренесуваа медиумите, Јосип ја прогласил Беба за алкохоличарка и на две години ја сместил на клиника за одвикнување. Откако излегла, ѝ советувал мирен живот во Белград и да го заборави Лео, а за возврат ќе му обезбеди најдобро образование и по полнолетството ќе му ги препише сите свои недвижности.

Бидејќи Лео студирал во Лондон, се зборуваше дека Беба со години тајно се среќавала со него таму, и дека на тој начин била дел од неговиот живот.

Ена Беговиќ

Радељак набрзо по разводот започна врска со убавата Ена Беговиќ, па беше јасно дека искрите не биле без причина.

Нивната љубов била интензивна, а Ена во 2000 година роди ќерка Лана. За жал, само месец и пол по породувањето, актерката трагично загина во сообраќајна несреќа на островот Брач. Во моментот на несреќата, во возилото биле Радељак, неговиот син Лео, Ена, нејзината мајка Тереза и нивната ќерка Лана.

Ена и Јосип се венчале во Загреб додека таа била во поодмината бременост, а само две недели подоцна ја родила ќерката Лана. Во мајчинството уживала само 45 дена, кога ја напуштила вилата во Супетар со семејството за да го посети композиторот Стипица Калоѓера.

На патот, Лео, синот на Јосип, удрил во камен и го скршил фарот, па му го препуштил возењето на татко му. Кога застанале на угорнина, теренското возило ненадејно тргнало наназад. Ена и нејзината мајка Тереза не успеале да излезат со бебето, а возилото завршило во провалија. Ена починала од тешките повреди, додека Тереза и Лана завршиле во болница. Како причина за несреќата во судските документи се наведува неисправен менувач на автомобилот.

Влатка Покос

Радељак во 2004 година се ожени со 28 години помладата водителка и пејачка Влатка Покос. Нивниот брак беше бурен и често ги полнеше насловните страници на таблоидите поради меѓусебни обвинувања за насилство и злоставување. За само три години заеднички живот имаа безброј скандали.

Влатка ја потресе јавноста кога јавно призна дека поранешниот сопруг сакал финансиски да ја уништи, поради што Јосип дури и поднел тужба против неа.

Во својата книга опишала како во бракот станала дел од послугата.

„Од обожавана жена која добиваше црвени рози и пораки, станав дел од послугата која од море се враќаше во автомобил со багаж“, навела Влатка. Таа дури го обвини поранешниот сопруг дека ја удрил.

Долорес Ламбаша

Радељак по Влатка беше во врска со уште една убавица, Долорес Ламбаша, но и таа имаше страшна судбина. Нејзиниот живот згасна на најтрагичен начин во 2013 година, и тоа на истото место каде што загина и Тоше Проески.

Автомобилот во кој се наоѓала се судрил со друг, а од силината на ударот двете возила излетале од патот, а младата актерка, иако била врзана, излетала низ прозорецот.