За разлика од неговиот татко, кој го обележа фудбалот како еден од најдобрите играчи од средниот ред на сите времиња, Лука ја одбрал позицијата голман.

Тој моментално брани за шпанската Гранада, а на овогодишното Светско фудбалско првенство настапува за алжирската репрезентација.

Меѓутоа покрај со својот фудбалски талент, привлекува внимание и со својот изглед. Висок е 183 сантиметри, има атлетска градба, а неговата кафеава коса и зелени очи се само уште една причина зошто многумина го сметаат за еден од најзгодните фудбалери на неговата генерација.

Едноставен, но софистициран стил

Кога не е на теренот, Лука негува опуштен, елегантен стил. Најчесто може да се види во ленени кошули, добро скроени бермуди и класични очила за сонце, додека за поформални пригоди избира минималистички костуми. Неговите објави на Инстаграм често изгледаат како фотографии од моден едиторијал на Медитеранот.

Семејството и морето се на прво место

Лука е многу близок со своите родители и тројца браќа – Енцо, Тео и Елијаз. На социјалните мрежи често споделува моменти од својот приватен живот, а особено е очигледно колку го сака морето, едрењето, кучињата и патувањата во медитеранските дестинации.

Комбинацијата од спортски начин на живот, француски шарм и едноставна елеганција му носи сè поголема популарност на социјалните мрежи. И покрај тоа што носи едно од најпознатите презимиња во фудбалот, Лука Зидан полека го гради сопствениот пат – и на теренот и надвор од него.