Сè започна во петокот, кога "Bentley" гордо објави дека нивната "Bentayga Speed" ја совладала прочуената нагорнина во Гудвуд за 55,8 секунди, поставувајќи нов рекорд за најбрз сериски "SUV" со бензински мотор во историјата на настанот. Но, славјето траеше кратко. Само два дена подоцна, "Aston Martin" возврати – и тоа моќно. Нивниот "DBX707" не само што го сруши рекордот, туку го декласираше.

Краткотрајното славје на "Bentley"

Рекордот кој го постави "Bentley Bentayga Speed" со своите 641 коњски сили беше контроверзен уште од самиот почеток. Имено, времето не беше постигнато за време на официјалниот натпреварувачки викенд, туку за време на приватно тестирање една недела порано. И покрај тоа и благите влажни услови на патеката, моќниот 4.0-литарски "twin-turbo V8" мотор и карбон-керамичките сопирачки ѝ овозможија на "Bentayga" да постави импресивен резултат.

Побрз од неа бил само "Bentley" тркачкиот прототип за Пејкс Пик со W12 мотор, но како вистински тркачки автомобил, тој не се смета во конкуренција со сериските возила.

"Bentley" беше на врвот – сè додека на патеката не се појави "Aston Martin". Наместо голема медиумска најава, "Aston Martin" го откри својот подвиг преку кратки видеа на социјалните мрежи. Видеото започнува дрско: возачот на "DBX" му покажува на совозачот снимка од објавата на "Bentley" за рекордот.

Потоа следи кадар од бруталното возење на "DBX707" нагоре додека секундите немилосрдно течат. Додека "Bentayga Speed" ја помина патеката долга 1,88 километри за 55,8 секунди, "DBX707" тоа го направи за неверојатни 53,12 секунди. На толку кратка патека, разлика од над две и пол секунди е огромна.

"DBX707" против "Bentayga Speed"

Споредбата на перформансите на овие два британски гиганта најдобро покажува зошто "Aston Martin" беше толку побрз.

Ѕверот што го покори "Goodwood"

"Aston Martin DBX707" развива огромна моќ и 900 Nm вртежен момент, а опремен е со нов издувен систем кој го прави дури и "Akrapovič" на "Bentley" да звучи питомо. За намалување на тежината, вграден е карбонски покрив кој штеди речиси 20 килограми, додека опционалните магнезиумски фелни дополнително ја намалуваат масата на клучни точки.

Ентериерот исто така зрачи со спортски дух – со специјални спортски седишта обложени со ткаенина во шара „рибина коска“.

Со овој подвиг, "Aston Martin" не само што постави нов стандард во светот на луксузните "SUV" возила – тој испрати јасна порака: во оваа класа, брзината и стилот сега имаат ново име.