[ВИДЕО] „Најсочните“ гласини сепак се вистина? Поранешниот премиер маѓепсано гледал во познатата пејачка

Пејачката неодамна раскина со Орландо Блум по речиси десет години. Познатиот актер набргу потоа покрена гласини за нова романса, но Кејти бргу го „возврати ударот“.

Таа веќе беше видена на вечера со поранешниот канадски премиер Џастин Трудо. Двајцата беа фотографирани во ресторан во Монтреал, а особено внимание привлече моментот кога Кејти се доближи до него за да „го чуе подобро“.

Тоа беше доволно за да се разгорат гласините, а самиот Трудо се погрижи тие да продолжат во иста насока.

Имено тој неодамна беше забележан на нејзиниот концерт во Монтреал, а социјалните мрежи се преплавени со снимки од него на кои ги пее хитовите на Кејти и танцува.

Во еден момент, може да се види како поранешниот премиер маѓепсано гледал во насока на пејачката, што беше доволно за да се разгорат гласините дека меѓу нив сигурно има нешто повеќе од пријателство.

Интересно е и тоа што на концертот Трудо беше придружуван од неговата 16-годишна ќерка.

Инаку Кејти за време на нејзината десетгодишна врска со Орландо Блум ја доби ќерката Дејзи во 2019 година. Гласините за нивното раскинување се појавија претходно оваа година, но двојката официјално го потврди тоа дури пред еден месец.