Била лудо вљубена во него и сакала тој да биде татко на нејзините деца: Заборавената љубовна врска на оскаровецот и 27 години помладата манекенка

Актерот Роберт де Ниро во текот на 1990 години бил во врска со светски познатиот супермодел.

Од 1976 до 1988 година бил во брак со Дијана Абот, а од 1997 до 2018 година со Грејс Хајтовер.

За неговиот приватен живот многу малку се знае, па така сите ги изненади веста дека во 2023 година стана татко по седми пат, на 81 година.

Славниот актер е познат по тоа што својот живот го крие од очите на јавноста, па така многумина не знаат дека тој бил во врска со супермоделот Наоми Кемпбел.

Како што пренесуваат странските медиуми, тие двајца биле заедно во одреден момент во текот на 90-тите години. Се зборувало дека се забавувале неколку години и дека Наоми била лудо вљубена во него.

Никогаш јавно не ја објавиле својата врска и за нивната романса воопшто не се знае многу, но Наоми во една прилика признала дека де Ниро ја научил на многу важна лекција во животот.

„За мене приватноста е важна и секогаш се грижам дека работата тоа нема да ми го дозволи“, рекла таа во интервју за „WSJ Magazine“.

„Но, имам начини. На тоа ме научи Роберт де Ниро. Да се биде сам не значи дека си осамен. Немам време да ми биде здодевно, а немам време да бидам осамена“, рекла Наоми.

По раскинувањето, парот останал во добри односи. „Vogue“ во 2012 година објавил дека Наоми Кемпбел сакала де Ниро да биде татко на нејзините деца.

„Пријателките на Наоми, Кејт Мос и Клаудија Шифер имаат бебиња и таа исто така сака едно. Повторно се сретна со де Ниро на пијалак во Њујорк пред неколку недели, а потоа се врати кај нас. Наоми смета дека тој е смирената работа во нејзиниот живот. Тој би бил тој на кого му се јавила навечер кога и да ѝ е потребен некој со којшто ќе разговара и ова е првпат после долго време тој да е сам и достапен“, раскажал изворот за „Vogue“.

Дали тоа биле само празни зборови или не, самата Наоми споделила дека се видела со де Ниро години подоцна, на почетокот на 2020 година.

„Што и да кажат за мене, останав пријателка со своите поранешни љубови... Освен со последната“, рекла Наоми за „The Times“ и додала: „Се видов со Роберт де Ниро пред ‘локдаунот’“.