[ВИДЕО] Како брзо да ги одмаглите стаклата на автомобилот? Инструкторка за возење откри едноставен трик
Повеќето автомобили имаат копче на контролната табла што го насочува протокот на воздух од грејачот кон шофершајбната.
Инструкторка за возење откри како можете да го одржите ветробранското стакло на вашиот автомобил чисто од магла цел ден со едноставен трик.
Како што температурите почнуваат да паѓаат, а условите на патот стануваат по влажни, возачите ќе мора да се справуваат со проблемот на замаглени стакла. Овој досаден проблем се јавува кога влажниот воздух доаѓа во контакт со ладните стаклени површини, што предизвикува кондензација.
Повеќето автомобили имаат копче на контролната табла кое го насочува протокот на воздух од грејачот кон ветробранското стакло за да го исчисти. Но, за многу возачи ова може да биде прилично долго и здодевно.
Инструкторката за возење сподели неколку врвни совети за тоа како ефикасно и лесно да се одмагли ветробранското стакло. Таа на ТикТок објаснила дека всушност не треба да го вклучувате грејачот на цела моќ ако сакате да го скратите времето.
„Причината зошто го користите топлиот воздух е поради разликата во температурата внатре и надвор од вашиот автомобил. За време на дождливо време, ако го имате грејачот за ветробранско стакло, вклучете го. Алтернативно, вклучете ја климата и насочете го воздухот кон ветробранското стакло. Постепено зголемувајте ја топлината на неколку минути за да го исчистите стаклото“, објаснила.
